कला/साहित्य
‘नखरा कबुल’ म्युजिक भिडियो सार्वजनिक
कवाली शैलीको ‘नखरा कबुल’ बोलको म्युजिक भिडियो सार्वजनिक भएको छ ।
यस गीतमा उड्डयन क्षेत्रका सफल व्यवसायी एवं गायक विकास राणाको स्वर रहेको छ । गीतमा शब्द नारायण नेपालको रहेको छ भने शशी विक्रम थापाको संगीत रहेको छ ।
यस गीतलाई विनोद भुजेलले सङ्गीत संयोजन गरेका छन् । म्युजिक भिडियोमा नायिका वर्षा सिवाकोटी र नायक पुष्प खड्काको अभिनय रहेको छ ।
बुद्ध थापाले छायांकन गरेको यस भिडियोलाई विकास धमलाले सम्पादन गरेका हुन् । निकेश खड्काको निर्देशनमा भिडियो तयार पारिएको हो । भिडियो गायक राणाको युट्युब च्यानल ‘विकास राणा अफिसिएल’ मार्फत् सार्वजनिक भएको हो ।
यसअघि गायक राणाको स्वरमा ‘प्रेमको परिभाषा’, ‘गालाको तिलैमा’, ‘तीनपाने’, ‘मुसुक्कै हास्यौँ’, ‘शैलुङ’ बोलका गीत सार्वजनिक भएका थिए ।
