प्रदेश

काङ्ग्रेस महाधिवेशन अभियान : कर्णालीमा देउवा पक्ष र गण्डकीमा पौडेल पक्षको जीत

नेपाली कांग्रेसको ६ वटा प्रदेश मध्ये तीन वटा प्रदेशको मतगणनाको अन्तिम नतिजा आएको छ । शनिबार सम्पन्न मतदानपछि भएको मतगणनामा पार्टी सभापति शेरबहादुर देउवा पक्ष र वरिष्ठ नेता रामचन्द्र पक्षले एक एक प्रदेशमा जित हात पारेका छन्।

कर्णाली प्रदेशमा देउवा पक्षका सभापति उम्मेदवार ललित जंग शाही विजयी भएका छन् । उनले पौडेल पक्षका उम्मेदवार भुपेन्द्र जंग शाहीमाथि जित हात पारेका हुन् । शाहीले ४२२ मत ल्याउँदा भूपेन्द्रजंग शाहीले ३१७ मत पाएका थिए ।

यस्तै गण्डकी प्रदेशमा पौडेल पक्षका शुक्रराज शर्मा विजयी भएका छन् । उनले देउवा पक्षका उम्मेदवार अर्जुन जोशीलाई पराजित गरे ।

यता वागमती प्रदेशमा भने तीनजना उम्मेदवारमध्ये कसैले पनि ५० प्रतिशतभन्दा धेरै मत लयाउन नसकेपछि फेरि सबैभन्द बढी मत ल्याउने दुई जनाबीच फेरि प्रतिस्पर्धा हुने भएको छ ।

देउवा पक्षका इन्द्र बानियाँ र पौडेल पक्षका जगदिश्वर नरसिंह केसीबीच फेरि प्रतिस्पर्धा हुने भएको हो । सिटौला पक्षका भिमसेनदास प्रधान भने प्रतिस्पर्धाबाट बाहिरिएका छन् ।

शनिबार मतदान भएका लुम्बिनी र सुदूरपश्चिममा मतगणना जारी छ । प्रदेश १ मा भने आइतबार मतगणना सुरु हुँदैछ । प्रदेश २ को अधिवेशन भने भएको छैन ।

Related Articles

Leave a Reply

Your email address will not be published.

Back to top button