खेल संसार
प्रिमियर लिग : बराबरीमा रोकियो म्यानचेस्टर युनाईटेड
काठमाडौं – इंग्लिस प्रिमियर लिग फुटबलमा म्यानचेस्टर युनाईटेड एभरटनसँग बराबरीमा रोकिएको छ ।
शनिबार राति भएको खेलमा युनाईटेड एभरटनसँग १-१ गोलको बराबरीमा रोकिएको हो ।
खेलको ४३औं मिनेटमा एन्थोनी मार्सियलले गोल गर्दै युनाईटेडलाई अग्रता दिलाए पनि जितका लागि सम्भव भएन । ६५औँ मिनेटमा एन्द्रोस टाउनसेन्टले गोल गर्दै एभरटनलाई १-१ गोलको बराबरीमा ल्याए ।
बराबरीसँगै युनाईटेड ७ खेलमा १४ अंक जोडेर दोस्रो स्थानमा छ । समान अंक भएपनि गोल अन्तरका आधारमा एभरटन तेस्रो स्थानमा छ ।
