प्रधानमन्त्री केपी शर्मा ओली र चनियाँ राष्ट्रपति सी चिनपिङबीच भेटवार्ता

 चार दिने भ्रमणका क्रममा रहेका प्रधानमन्त्री केपी शर्मा ओलीले मंगलबार चीनका राष्ट्रपति सी चिनपिङसँग भेटवार्ता गरेका छन् ।

बेइजिङको देउताइ स्टेट गेस्ट हाउसमा ओलीले चिनियाँ राष्ट्रपति सीसँग भेटवार्ता गरेका प्रधानमन्त्रीको सचिवालयले जनाएको छ ।

भेटवार्तामा भएको कुराकानीबारेमा प्रधानमन्त्रीको सचिवालयले केही खुलाइसकेको छैन ।

गत असार ३० मा प्रधानमन्त्री भएका ओलीले आफ्नो पहिलो औ‍पचारिक भ्रमण उत्तरी छिमेकबाट थालेका हुन्।

राष्ट्रपति सीसँग भेटवार्ता हुनुअघि प्रधानमन्त्री ओलीले चिनियाँ समकक्षी ली छ्याङ्‍सँग संवाद गरेका थिए ।

त्यसपछि दुई देशबीचमा विभिन्न नौ बुँदे सहमतिमा हस्ताक्षर भएको थियो । तर ती सहमतिमा खासै महत्त्वका छैनन् । दुई समकक्षीबीचको सम्झौतामा बेल्ट एन्ड रोड परियोजनालाई ठोस रुपमा सम्बोधन गरिएको छैन ।