ट्याटु खोप्दा हेपाटाइटिस, एचआइभी र क्यान्सरको जोखिम !
यदि तपाई पनि ट्याटु खाेपाउन मन पराउनुहुन्छ भने होसियार हुनुहोस् । ट्याटु बनाउन प्रयोग गरिने मसी र सुईले हेपाटाइटिस बी र सी, एचआइभी र कलेजोको क्यान्सरका साथै, ब्लड क्यान्सरको जोखिम निम्त्याइरहेकाे विज्ञहरूले बताएका छन् ।
अहिले युवायुवतीमा ट्याटु बनाउने चलन छ । युवायुवतीले आफ्नो विचार वा जोशलाई ट्याटुमार्फत समाजसामु प्रस्तुत गर्छन्, उनीहरूले आफ्नो इच्छाअनुसार शरीरमा ट्याटु बनाउँछन्।
विज्ञहरू ट्याटु बनाउनु स्वास्थ्य जाेखिममा पार्नु रहेकाे बताउँछन् । धेरैलाई एउटै सुई प्रयोग गर्ने गरेकाे पाइन्छ । जसले हेपाटाइटिस बी, सी वा एचआईभी जस्ता संक्रमणको जोखिम बढाउँछ।
यसबारे हालै स्वीडेनको लुन्ड्स युनिभर्सिटीका अनुसन्धानकर्ताहरूले ११ हजार ९०५ व्यक्तिमा अध्ययन गरेका थिए। जुन अनुसन्धानमा ट्याटु खोप्ने मानिसहरूमा लिम्फोमा (एक प्रकारको ब्लड क्यान्सर) हुने जोखिम बढी रहेको पाइएकाे थियाे ।
विगत दुई वर्षभित्र पहिलो पटक ट्याटु खोपाउने व्यक्तिहरूमा लिम्फोमाको जोखिम सबैभन्दा बढी भेटिएकाे थियाे । ट्याटू एक्सपोजरको जोखिम फैलिएको ठूलो बी-सेल लिम्फोमा र फोलिक्युलर लिम्फोमाको लागि उच्चतम थियो।
ट्याटु मसीमा पोलीसाइक्लिक एरोमेटिक हाइड्रोकार्बन हुन्छ । जब छालामा सुई लगाइन्छ, मसीको ठूलो भाग बाहिर सर्छ। जसले छालासम्बन्धी थुप्रै समस्या निम्त्याउने विज्ञहरू बताउँछन् ।
भर्खरै अष्ट्रेलियाको स्वास्थ्य विभागले पनि ट्याटु मसीबारे अध्ययन गरी रिपाेर्ट सार्वजनिक गरेकाे छ । विभागकाे रिपाेर्टमा ट्याटु खाेप्दा प्रयाेग गरिने मसी निकै हानिकारक रहेकाे निष्कर्ष छ ।
तिनीहरूले परीक्षण गरिएका नमूनाहरूको २० प्रतिशत र ८३ प्रतिशत कालो मसीमा पिएएच फेला पारे। मसीमा पाइने अन्य खतरनाक केमिकलसँगै पारा, बेरियम, तामा र एमाइन्स जस्ता धातुहरू र विभिन्न रंगहरू भारी मात्रामा थियाे ।
यी खतरनाक रसायनले छालाको समस्यादेखि छालाको क्यान्सरसम्मका रोग निम्त्याउने विज्ञहरू बताउँछन् । छालामा प्रयाेग गरिएकाे मसी शरीरको लिम्फेटिक प्रणालीमा प्रवेश गर्ने र यसले कलेजो, पिसाब थैलीका साथै लिम्फोमा र ल्युकेमिया जस्ता अन्य क्यान्सरको जोखिम बढाउन सक्ने विज्ञहरू बताउँछन् ।
ट्याटु मसीमा पाइने खतरनाक रसायनहरू धेरै प्रकारका खतरनाक रोगहरूको लागि जिम्मेवार रहेकाे विज्ञहरूकाे भनाइ छ । स्वास्थ्य सेवा अधिकारीहरूले त्यस्ता मसीका सामग्रीहरूलाई कडाइका साथ नियमन नगरेसम्म, यो जोखिम कायम रहने बताएका छन् । एजेन्सीबाट
