वीरगञ्जको बेलवामा जसपाको रोड शो, कार्यकर्ताले गरे राजेशमानको पक्षमा नाराबाजी
वीरगञ्ज महानगरपालिका वडा नम्बर ३१ बेलवामा जनता समाजवादी पार्टीको चुनावी प्रचारप्रसारअन्तर्गत रोड शो भएको छ ।
सो रोड शोमा जसपाबाट वीरगञ्जको मेयरका उम्मेदवार राजेशमान सिंहको पक्षमा नाराबाजी भएको थियो । जसपाका कार्यकर्ताहरुले सिंहको समर्थनमा नाराबाजी गरेका हुन् ।
बेलवामा सिंहको रोड शोमा सहभागीहरुले गत निर्वाचनमा पराजित भएर पनि राजेशमानले आपत विपतमा जनताकै सेवा गरेको बताएको राजेशमानको सचिवालयले पठाएको प्रेस नोटमा उल्लेख छ ।
सिंहले आफूले चुनाव जितेमा सुशासनलाई प्राथमिकतामा राखिने बताएका छन् । उनले वीरगञ्जको ग्रामिण वडालाई सडकसञ्जालमार्फत मुख्य शहरसँगथ जोडिने र नगरबासीलाई परिवर्तनको प्रत्याभूती गराउने प्रतिबद्धता व्यक्त गरे ।
उनका अनुसार जनतालाई बिकासको आभाष दिलाएर प्रशासनिक कामलाई सहज, सरल र पारदर्शी बनाइने छ । कार्यक्रममा प्रदेशसभा सदस्य जनत अन्सारी, नेता मुकेश द्विवेदी, प्रेमबाबु पटेललगायतको सहभागिता थियो ।
