वीरगञ्ज महानगरपालिकाका नगर प्रमुख विजयकुमार सरावगीले वीरगञ्जका दुई वटा वडामा निर्माण गर्न लागिएको नगर स्वास्थ्य केन्द्रको भवनको शिलान्यास गरेका छन् ।
महानगरपालिकाका जनताको स्वास्थ्य उपचार सेवाको पहुँच सहज बनाउने उद्देश्यले निर्माण गर्न लागेको दुई वटा स्वास्थ्य केन्द्रको मंगलबार एकैदिन शिलान्यास गरिएको हो ।
महानगरपालिकाले पाँच वटा वडाहरुमा स्वास्थ्य केन्द्र निर्माण गर्दै छ । यही क्रममा नगरप्रमुख सरावगीले वीरगञ्ज–१७ अलौं र वडा नम्बर–२६ सुगौली वीर्तामा निर्माण गर्न लागिएको नगर स्वास्थ्य केन्द्रको पक्की भवनको शिलान्यास गरेका हुन् ।
महानगरपालिकाले यसअघि दुईवटा वडामा स्वास्थ्य केन्द्र निर्माण सम्पन्न गरेर सेवा शुरु गरिसकेको नगर प्रमुखका स्वकीय सचिव पिन्टु उपाध्यायले जानकारी दिए ।
