वीरगञ्ज महानगरका प्रमुख विजय कुमार सरावगी शनिबार निजी तथा आवासीय विद्यालयहरुको छाता संगठन प्याब्सन पर्साको १५ औं जिल्ला अधिवेशनमा पनि विशिष्ट अतिथिको रुपमा सहभागी हुनुभएको छ ।
नगर प्रमुख सरावगीले शिक्षा, स्वास्थ्य र सामाजिक विकास नै मुलुकको आर्थिक विकासको प्रमुख आधारस्तम्भहरु रहेकोले यी क्षेत्रहरुको विकास अनिवार्य रहेको बताउनुभयो ।
वीरगन्ज महानगरक्षेत्रमा रहेका सामुदायिक विद्यालयहरुको शैक्षिक गुणस्तर सुधारका लागि महानगरपालिकाले हरसम्भव प्रयासरत रहेको र यही क्रममा अहिले सामुदायिक विद्यालयका शिक्षकहरुको पनि सरुवा गरिएको बताउनुभयो ।
उहाँले निजी विद्यालयहरुले शिक्षा क्षेत्रमा खेलेको भूमिका महत्वपूर्ण रहेको बताउदै उहाँले केही विकृतिहरु पनि देखिएकोले त्यसको नियन्त्रणमा निजी तथा संस्थागत विद्यालयहरुको सहयोग आवश्यक रहेको बताउनुभयो ।
