अर्थखबर फटाफट

महालक्ष्मी बचत तथा ऋण सहकारीको सधारणसभा सम्पन्न, १८ प्रतिशत लाभांश दिने

वीरगञ्जको महालक्ष्मी बचत तथा ऋण सहकारी संस्था लिमिटेडको २१ औं वार्षिक साधारणसभा सम्पन्न भएको छ । साधारणसभाले शेयर सदस्यहरूलाई १८ प्रतिशत लाभांश दिने प्रस्ताव पारित गरेको छ ।

बिहीवार संस्थाको २१ औं वार्षिक साधारण सभाको अवसरमा सो जानकारी दिइएको हो ।गत आर्थिक वर्ष २०७७/ ७८ मा संस्थाले २ करोड ३८ लाख रुपैयाँ सञ्चालन मुनाफा कमाएको अध्यक्ष इश्वरचन्द्र गौतमले बताए । सो वर्ष ५ करोड १६ लाख आय र २ करोड ७८ लाख खर्च भएको गौतमले जानकारी दिएका छन् ।

सभाको उद्घाटन वीरगञ्ज महानगरकी उपप्रमुख शान्ति कार्कीले गरेकी थिइन् । संस्थाले सामाजिक उत्तरदायित्वअन्तर्गत स्थानीय गहवामाई मन्दिरको पुनर्संरचनाका ६ लाख रुपैयाँ खर्च गरेको छ ।

साधारण सभाले गौतमको अध्यक्षतामा ४ वर्षको लागि सञ्चालक समिति र प्रद्युमन सेढाइको संयोजकत्वमा लेखा समिति चयन गरेको संस्थाका व्यवस्थापक जीतेन्द्र वर्माले जानकारी दिए ।

Related Articles

Leave a Reply

Your email address will not be published. Required fields are marked *

Back to top button