अर्थ

२६.४४ अंक बढेर २७०० विन्दुमाथि नेप्से

साताको दोस्रो कारोबार दिन सोमवार नेप्से परिसूचक अघिल्लो कारोबार दिनको तुलनामा २६ दशमलव ४४ अंक अर्थात् शून्य दशमलव ९८ प्रतिशत वृद्धि भएको छ । नेप्से परिसूचक २ हजार ७१५ दशमलव ३५ विन्दुमा पुगेको हो ।

यस अवधिमा कारोबारमा आएका २२८ ओटा धितोपत्रको ८६ लाख ३६ हजार ६३६ कित्ता शेयरको ५९ हजार ३१६ पटकमा रू. ४ अर्ब ७३ करोड ४६ लाख ५१ हजार ४४४ बराबरको शेयर खरीदविक्री भएको छ । कारोबारमा आएका २२८ धितोपत्र मध्ये तीन ओटा धितोपत्रको मूल्यमा सकारात्मक सर्किट लागेको छ ।

बोटलर्स नेपाल तराई, मानुषी लघुवित्त वित्तीय संस्था, तेह्रथुम पावर कम्पनीको शेयरमूल्यमा सकारात्मक सर्किट लागेको हो । बोटलर्स नेपाल तराई र मानुषी लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा १० प्रतिशत र तेह्रथुम पावर कम्पनीको शेयरमूल्य ९ दशमलव ९९ प्रतिशत वृद्धि भएसँगै सकारात्मक सर्किट लागेको हो ।

त्यसैगरी सबैभन्दा बढी एभरेष्ट इन्स्योरेन्स कम्पनीको प्रमाटरको शेयरमूल्य अघिल्लो कारोबार दिनको तुलनामा ४ दशमलव ८८ प्रतिशत घटेको छ । शेयरमूल्य प्रतिकित्ता रू. ४०९ दशमलव ५० मा झरेको हो ।

कारोबारमा आएका १३ ओटा समूहमध्ये सबै समूहको परिसूचक बढेसँगै समग्र नेप्से बढेको हो । कारोबारमा आएका १३ समूहमध्ये सबैभन्दा बढी विकास बैंक समूहको परिसूचक २ दशमलव ६३ प्रतिशत बढेको छ ।

त्यसैगरी बैंकिङ समूहको परिसुचक शून्य दशलमव शून्य ५ प्रतिशत व्यापार समूहको परिसूचक १ दशमलव ८३ प्रतिशत, होटल एण्ड टुरिजमको १ दशमलव ८१ प्रतिशत, हाइड्रोपावर समूहको १ दशमलव ६७ प्रतिशत, वित्त समूहको २ दशमलव ३ प्रतिशत, निर्जीवन बीमा समूहको परिसूचक १ दशमलव ७४ प्रतिशत, उत्पादन तथा प्रशोधन समूहको १ दशमलव ७१ प्रतिशत, अन्य समूहको परिसूचक शून्य दशमलव ९८ प्रतिशत, माइक्रोफाइनान्स समूहको १ दशमलव २१ प्रतिशत, जीवन बीमा समूहको शून्य दशमलव ७५ प्रतिशत, म्युचुअल फण्ड समूहको शून्य दशमलव २१ प्रतिशत र लगानी समूहको परिसूचक १ दशमलव ९६ प्रतिशत वृद्धि भएको छ ।

Related Articles

Leave a Reply

Your email address will not be published. Required fields are marked *

Back to top button