खबर फटाफटप्रदेश

कोरोनाबाट जोगिएर तिहार मनाउन आग्रह

जिल्ला प्रशासन कार्यालय खोटाङले कोभिड–१९ को सङ्क्रमणबाट जोगिएर तिहार मनाउन आग्रह गरेको छ ।

जिल्ला सुरक्षा समितिको आज बुधवार बसेको बैठकले कोभिड–१९ को सङ्क्रमण फैलने खतरा रहेको भन्दै सामाजिक दुरी कायम गरेर र स्वास्थ्य सुरक्षाको मापदण्ड पालना गरेर तिहार मनाउन आग्रह गरेको हो ।

बैठकलगत्तै जारी गरिएको सूचनामा कोभिड–१९ को महामारी तथा शान्ति सुरक्षाको अवस्थालाई ध्यानमा राखी रातको ९ बजेदेखि बिहान ६ बजेसम्म देउसी/भैली जस्ता भिडभाडयुक्त कार्य नगर्न/नगराउन भनिएको छ ।

तिहारको समयमा हुने आगलागी र त्यसबाट हुने क्षतिलाई मध्यनजर गर्दै प्रशासनले आतसबाजी, पटका लगायतका विष्फोटकजन्य पदार्थ बेचबिखन र प्रयोग नगर्न/नगराउन आग्रह गरेको छ ।

यस्तै, रक्सी खाएर सार्वजनिक रूपमा हो–हल्ला गरी शान्ति भङ्ग गर्नेलाई तत्काल पक्राउ गरी नियमअनुसार कारबाही गर्ने, जुवातास तथा जुवाजन्य खेल खेल्ने/खेलाउने कार्य गरेको पाइएमा तत्काल पक्राउ गरी जुवा तथा तास खालमा भेटिएका धनमाल जफत गरी नियमअनुसार कारबाही अघि बढाइने सूचनामा उल्लेख छ ।

Related Articles

Leave a Reply

Your email address will not be published. Required fields are marked *

Back to top button