No Image Headlineदेश

कांग्रेस महाधिवेशन : केन्द्र र क्षेत्रीयबाहेक अन्य अधिवेशनको कार्यतालिका परिवर्तन

Thrill Factory
Rungta Group

काठमाडौ– यसअघि तय भएअनुसार भदौ २३ भित्र वडा अधिवेशन सम्पन्न हुन नसकेपछि कांग्रेसको महाधिवेशन र क्षेत्रीय अधिवेशनको मितिबाहेक अन्य सबै तहका अधिवेशनको कार्यतालिका परिवर्तन गरिएको छ ।

पार्टीको केन्द्रीय कार्य समितिले निर्वाचन समितिलाई स्थानीय तहको अधिवेशनको मिति हेरफेर गर्न सक्ने अधिकार प्रत्यायोजन गरेर अनुसार निर्वाचन समितिले कार्यतालिका हेरफेर गर्ने महामन्त्री पूर्णबहादुर खड्काले खबरहबलाई जानकारी दिए । उनले निर्वाचन समितिले शुक्रबार नै नयाँ कार्यतालिका सार्वजनिक गर्ने बताए ।

स्रोतका अनुसार शुक्रबार कांग्रेस पदाधिकारीको बैठकमा स्थानीय तहको अधिवेशनको मिति परिवर्तन गर्ने विषयमा सहमति भएको छ । सोही सहमति अनुसार केन्द्र र क्षेत्रबाहेक वडा, स्थानीय तह र जिल्ला अधिवेशनको कार्यतालिका परिवर्तन गरिएको छ ।

नयाँ कार्यतालिका अनुसार यही भदौ २७ लागि तोकिएको स्थानीय तहको अधिवेशन असोज ९ गते हुने भएको छ । यस्तै १ असोजमा हुने भनिएको प्रदेशसभा क्षेत्रीय अधिवेशन असोज १२ मा र एकमात्र प्रतिनिधिसभा निर्वाचन क्षेत्र भएको जिल्लाको जिल्ला अधिवेशन १५ असोजमा हुनेछ । यस्तै एकभन्दा धेरै प्रतिनिधिसभा निर्वाचन क्षेत्र भएको जिल्लामा असोज १८ गते अधिवेशन हुनेछ ।

यस्तै वडा अधिवेशन हुन नसकेका २० जिल्लामा वडा अधिवेशन असोज ५ गते हुनेछ । शुक्रबार विवादका बीच सभापति शेरबहादुर देउवाको गृह जिल्लामा शुक्रबार वडा अधिवेशन भएको छ ।

वरिष्ठ नेता रामचन्द्र पौडेलले शुक्रबार डडेल्धुरामा भएको वडा अधिवेशनप्रति आपत्ति प्रकट गरेका छन् । त्यसैको विरोध स्वरुप शुक्रबार भएको पदाधिकारी बैठकमा पौडेल सहभागी भएनन् ।

Related Articles

Leave a Reply

Your email address will not be published. Required fields are marked *

Back to top button