देश
अफगानिस्तानबाट नेपाली फर्कनेक्रम जारी
काठमाडौं-अफगानिस्तानबाट उद्धार भएका नेपाली नागरिकको स्वदेश फर्कनेक्रम जारी छ ।
शुक्रबार जजिरा एयरको कुवेत–काठमाडौँ नियमित उडानबाट थप १६५ नेपाली स्वदेश फर्किएका छन् ।
हालसम्म ४६१ नेपाली काठमाडौँ आइपुगेका तथा थप नौ जना नियमित उडानबाट शुक्रबार राति आइपुग्ने परराष्ट्र मन्त्रालयले जनाएको छ ।
उद्धार भई स्वदेश आएकाहरूमा काबुलस्थित विभिन्न कूटनीतिक नियोगमा काम गर्नेहरूका अतिरिक्त अनौपचारिक क्षेत्रमा रोजगारी गरिरहेका केही छन् ।
