खबर फटाफटदेश

२५ महिलालाई श्रीलंका पुर्‍याएर बन्धक बनाएको आरोपमा महिला जेल चलान

Thrill Factory
Rungta Group

काठमाडौं-२५ महिलालाई श्रीलंका पुर्‍याएर बेचबिखन गरी बन्धक बनाएको आरोपमा पक्राउ परेकी एक महिलालाई जेल चलान गरिएको छ ।

प्रहरीका अनुसार कुवेतमा आकर्षक तलब हुने भनेर श्रीलंका पुर्‍याएर २५ महिलालाई बन्धक बनाएको आरोपमा सुनसरी रामधुनी नगरपालिका–९ की ४० वर्षीया सावित्रीदेवी मलाह भन्ने सावित्री मुखियालाई मानव बेचबिखन अनुसन्धान ब्यूरोले पक्राउ गरेको थियो ।

पक्राउ परेकी मुखियालाई काठमाडौं जिल्ला अदालतको १५ साउनको आदेशले पुर्पक्षका लागि केन्द्रीय कारागार कार्यालय जगन्नाथदेवल थुनामा पठाएको हो ।

ब्यूरोका प्रवक्ता, प्रहरी उपरीक्षक अनुरागकुमार द्वीवेदीका अनुसार महिलाहरूलाई आकर्षक तलब हुन्छ भनी काठमाडौँबाट सप्तरीको राजविराज हुँदै हनुमाननगर नाकाबाट भारतको नयाँ दिल्ली हुँदै श्रीलंका पुर्‍याएर बन्धक बनाउने कार्यमा संलग्न रहेको आरोपमा मुखियालाई पक्राउ गरिएको थियो । बन्धक बनाएका महिलालाई श्रीलंका प्रहरीको सहयोगमा उद्धार गरिएको ब्यूरोले जनाएको छ ।

Related Articles

Leave a Reply

Your email address will not be published. Required fields are marked *

Back to top button