वीरगञ्ज प्रदेश २ को ‘मुख्यमन्त्री बेटी पढाउ बेटी बचाउ’ अभियानअन्तर्गत वीरगञ्जको नेपाल राष्ट्रिय विद्यापिठ माध्यामिक विद्यालय (श्रीपुर स्कुल) का ९८ जना छात्रालाई साइकल बितरण गरिएको छ ।
विद्यालय व्यवस्थापन समितिका अध्यक्ष अशोककुमार टेमानीको अध्यक्षतामा भएको एक औपचारिक कार्यक्रमबीच कक्षा ८ मा अध्ययनरत छात्राहरुलाई साइकल वितरण गरिएको हो ।
वीरगञ्ज महानगरपालिका वडा ११ का वडा अध्यक्ष प्रद्युम्न सेढाईं, विद्यालय व्यवस्थापन समितिका अध्यक्ष टेमानी, सल्लाहकार अरबिन्द गुप्ता, प्रकाश खण्डेलवाललगायतले छात्राहरुलाई साइकल बितरण गरेका छन् । कार्यक्रमको सञ्चालन विद्यालयका प्रधानाध्यापक अनिल बर्नवालले गरेका थिए ।
