गाजामा राहत लिन भेला भएका सर्वसाधारणमाथि इजरायली आक्रमण, ६ जनाको मृत्यु
गाजाको दक्षिणी क्षेत्रमा रहेको एक राहत वितरण केन्द्रमा इजरायली सेनाले गोली प्रहार गर्दा कम्तीमा ६ जनाको मृत्यु भएको छ भने धेरै घाइते भएका छन्।
शनिबार बिहान खाद्यान्न लिन भीडभाड भएको समयमा भएको गोली प्रहारपछि घटनास्थलमा हडबडी मच्चिएको थियो। प्रत्यक्षदर्शीहरूका अनुसार मानिसहरू राहतका लागि लाइनमा हिँडिरहेका बेलामा नै आक्रमण भएको हो।
इजरायलले भने आफूहरूलाई खतरा महसुस भएकाले चेतावनीसहितको गोली प्रहार गर्नुपरेको दाबी गरेको छ। यसै साताभित्र इजरायली आक्रमणमा दर्जनौंको ज्यान गइसकेको छ भने सयौं घाइते भएका छन्।
हमासले सञ्चालन गर्दै आएको राहत वितरण कार्यक्रम अमेरिका र इजरायलको दबाबपछि हालका लागि स्थगित गरिएको छ। यद्यपि राहत वितरण रोकिए पनि स्थानीय बासिन्दाहरू सहयोगको आशमा केन्द्रतिर जाने गरेका छन्। इजरायली डिफेन्स फोर्सले उक्त क्षेत्रमा सैनिक गतिविधि भइरहेको भन्दै सर्वसाधारणलाई त्यहाँ नजान सूचना जारी गरेको छ।
राहत वितरण गर्दै आएको संस्थान GHF (गुड ह्युम्यान फाउन्डेसन)ले शनिबार हमासबाट धम्की आएको भन्दै सो दिन राहत नबाँडिएको जानकारी गराएको छ।
