सुनको मूल्यमा नयाँ रेकर्ड : हालसम्मकै उच्च, किन बढिरहेको छ भाउ ?

नेपाली बजारमा सुनको मूल्य हालसम्मकै उच्च बिन्दुमा पुगेको छ। आज सुनको मूल्य प्रतितोला चार हजारले बढेर एक लाख ७४ हजार पाँच सय कायम भएको छ।

बिहीबार सुन प्रतितोला एक लाख ७० हजार पाँच सयमा कारोबार भएको थियो। त्यस्तै, आज चाँदीको मूल्य प्रतितोला दुई हजार ५० कायम भएको छ।

नेपाल सुन चाँदी व्यवसायी महासंघका प्रथम उपाध्यक्ष धर्मसुन्दर बज्राचार्यले आन्तरिक कारण भन्दा बाह्य कारणले सुनको मूल्य बढेको बताए।

अन्तर्राष्ट्रिय बजारमा आज सुनको मूल्य प्रतिऔंस दुई हजार ९८२ अमेरिकी डलर हाराहारीमा कारोबार भइरहेको छ।