आजको विनिमय : अमेरिकी र अस्ट्रेलियन डलर, पाउन्ड, युरो र दिनार महँगिए
नेपाल राष्ट्र बैंकले बुधबारका लागि विदेशी मुद्राको विनिमय दर सार्वजनिक गरेको छ। अधिकांश मुद्राको मूल्यमा वृद्धि भएको देखिन्छ, जसमा अमेरिकी डलर, अस्ट्रेलियन डलर, पाउन्ड स्ट्रर्लिङ, युरो र दिनारसमेत समावेश छन्।
आज अमेरिकी डलर एकको खरिददर रु. १३८.२३ र बिक्रीदर रु. १३८.८३ रहेको छ। हिजो यसै डलरको खरिददर रु. १३८.२२ र बिक्रीदर रु. १३८.८२ थियो। यसअघि माघ २ गते डलरको खरिददर रु. १३८.३२ र बिक्रीदर रु. १३८.९२ पुगेर उच्चतम विन्दुमा पुगेको थियो।
युरोको खरिददर आज रु. १४३.०६ र बिक्रीदर रु. १४३.६८ रहेको छ। हिजोको तुलनामा वृद्धि भएको युरोको हिजोको खरिददर रु. १४२.६७ र बिक्रीदर रु. १४३.२९ थियो।
पाउन्ड स्ट्रर्लिङको मूल्यमा पनि वृद्धि भएको छ। आज पाउन्ड स्ट्रर्लिङ एकको खरिददर रु. १६९.१५ र बिक्रीदर रु. १६९.८९ पुगेको छ। हिजो यो क्रमशः रु. १६८.६६ र रु. १६९.४० थियो।
त्यस्तै, अस्ट्रेलियन डलर एकको खरिददर आज रु. ८५.९४ र बिक्रीदर रु. ८६.३२ रहेको छ। हिजो यसको खरिददर रु. ८५.७३ र बिक्रीदर रु. ८६.१० थियो।
कुवेती दिनारको खरिददर आज रु. ४४८.१३ र बिक्रीदर रु. ४५०.०७ रहेको छ। हिजोको तुलनामा यसमा पनि वृद्धि भएको देखिन्छ, जसमा हिजोको खरिददर रु. ४४८.०० र बिक्रीदर रु. ४४९.९४ थियो।
यस्तै, बहराइन दिनारको आजको खरिददर रु. ३६६.७३ र बिक्रीदर रु. ३६८.३२ छ। हिजो यसको खरिददर रु. ३६६.६६ र बिक्रीदर रु. ३६८.२५ थियो।
नेपाल राष्ट्र बैंकका अनुसार दैनिक रुपमा विनिमय दरमा उतारचढाव हुने क्रम जारी रहेको छ।
