यी हुन विश्वका पाँच महँगा सहर

पहिलो पटक इजरायलको तेल अभिभ बसोबासका लागि विश्वकै महँगो सहर बनेको छ।

इकोनोमिस्ट इन्टेलिजेन्स युनिट (ईआईयू) हालै गरेको एउटा सर्वेक्षणबाट तेल अभिभ बसोबासका लागि विश्वकै महँगो सहर बनेको छ।

इजरायलको राष्ट्रिय मुद्रा सेकेल डलरको तुलनामा महँगो भएकै तेल अभिभ पहिलोपटक ४ स्थानमा माथि उक्लिँदै बसोबासको हिसाबले सबैभन्दा महँगो सहर बन्न पुगेको हो। यसअघि तेल अभिभ पाँचौँ स्थानमा थियो।

विश्वमै इजरायलले सबैभन्दा छिटो कोभिडविरुद्ध खोप कार्यक्रम सञ्चालन गर्न सफल भएको थियो। त्यहाँ करिब ६२ प्रतिशत जनताले पूर्ण खोप लगाएका छन्।

विश्वकै दोस्रो महँगो सहरमा फ्रान्सको पेरिस

पेरिस फ्रान्सको राजधानी र सबैभन्दा ठूलो सहर पनि हो। यसको क्षेत्रफल १०५ वर्ग किमि छ र करिब २० लाख मानिसहरू त्यहाँ बसोबास गर्दछन्। नगर छेउछाउका समेत गणना गर्दा पेरिसको जनसङ्ख्या करिब १ करोड छ।

सेन नदी पेरिसका पुराना भागहरूबाट बग्दछ र यसलाई दुई भागमा बाँड्दछ, जसलाई बायाँ किनारा र दायाँ किनारा नामले चिनिन्छ। यसका वरिपरी थुप्रै जङ्गलहरू छन्।

पेरिस फ्रान्सिसी अर्थतन्त्र, राजनीति, यातायात र संस्कृतिको केन्द्र पनि हो। पेरिसमा थुप्रै कला, सङ्ग्राहलय र ऐतिहासिक भवनहरू छन्। यातायातको केन्द्र भएकोले, पेरिसमा धेरै राम्रा जमीनमुनि चल्ने रेल्वे प्रणाली, बिमानस्थल र स्टेसनहरू छन्। मेट्रोको निर्माण सन् १९००मा गरिएको थियो, र यसको लम्बाई २०० किलोमिटरभन्दा बढि छ।

सहरको शैली बहुसांस्कृतिक छ, किन भनें यहाँका २० प्रतिशत भन्दा धेरै मानिसहरू फ्रान्स बाहिरका छन्। यहा धेरै प्रकारका रेस्टुराँहरू छन् जहाँ सबै किसिमका खानाहरू पाइन्छन

सिंगापुर तेस्रो स्थानमा

एसियाको सम्मृद्ध देशहरु मध्येको एक सिंगापुर घुमफिर गर्न चाहने विदेशी पर्यटकहरुको पनि उत्कृष्ट गन्तव्य हो । सिंगापुर दुनियाँको सबैभन्दा महंगो देशमध्येको एक मात्र होइन धनीहरुको देश पनि हो । त्यहाँका हरेक ६ मध्ये एकजना नागरिक करोडपति छन् । देशको प्रतिव्यक्ति आय १ लाख ३ हजार अमेरिकी डलर रहेको छ ।

सिंगापुरको कूल जनसंख्या भन्दा धेरै त्यहाँ आउने पर्यटकको संख्या रहने गरेको छ । गत वर्ष सिंगापुरमा १ करोड २० लाख पर्यटक भित्रिए । जबकी सिंगापुरको कूल जनसंख्या मात्र ५७ लाख छ ।

स्विट्जरल्याण्डको जुरिच चौथो

जुरिच स्विट्जरल्याण्डको सबैभन्दा ठूलो सहर र जुरिच क्यान्टनको राजधानी हो। यो उत्तर मध्य स्विट्जरल्याण्ड मा स्थित छ । जुरिचको आधिकारिक भाषा जर्मन हो तर मुख्य बोलिने भाषा जुरिच जर्मन हो, अलेमानिक स्विस जर्मन बोलीको स्थानीय संस्करण।

धेरै संग्रहालयहरू र कला ग्यालरीहरू शहरमा फेला पार्न सकिन्छ, स्विस राष्ट्रिय संग्रहालय र कुन्स्टउस सहित। जुरिच एक अपेक्षाकृत सानो जनसंख्या भएको बावजुद विश्वको सबैभन्दा ठूलो वित्तीय केन्द्रहरू मध्ये एक हो। शहर धेरै वित्तीय संस्था र बैंकिंग कम्पनीहरु को घर हो।

हङकङ पाँचौँ महँगो सहर

हङकङ आफ्नो गगनचुम्बी भवन र गहिरो प्राकृतिक बन्दरगाहको लागि प्रसिद्ध छ । यसको क्षेत्रफल ११०४ किमी२ छ र यसको उत्तरी सिमामा चिनको गुआङ्डोङ प्रदेश रहेको छ ।

यो स्थानको जनसङ्ख्या ७।२ मिलियन छ जुन भिन्न भिन्न राष्ट्रियताका छन् । हङकङ संसारकै सबैभन्दा बढी जनघनत्व भएको महानगर मध्ये एक हो ।