No Image Headlineदेशस्वास्थ्य/जिवनशैली

विश्वमा साढे १८ करोडले जिते कोरोना संक्रमण

काठमाडौं- विश्वभर अहिलेसम्म १८ करोड ५५ लाखभन्दा धेरै व्यक्तिले कोरोना भाइरसको संक्रमण जितेका छन् ।

पछिल्लो २४ घण्टामा ४ लाख ९७ हजार ७०२ जना संक्रमणमुक्त भएका छन् । योसँगै विश्वभर संक्रमणमुक्त हुनेको संख्या १८ करोड ५५ लाख ३४ हजार ९३७ पुगेको छ ।

यस्तै पछिल्लो २४ घण्टामा ७ लाख १९ हजार २०४ जनामा संक्रमण पुष्टि भएको छ । योसँगै संक्रमित संख्या २० करोड ६९ लाख ८ हजार २८२ पुगेको छ ।

होम तथा संस्थागत आइसोलसनमा रहने सक्रिय संक्रिमतको संख्या १ करोड ७० लाख १६ हजार पाँच छ । यसमध्ये एक लाख ३ हजार ३४६ जनाको अवस्था गम्भीर रहेको वर्ल्डोमिटर्सले जनाएको छ ।

पछिल्लो २४ घण्टामा विश्वभर १० हजार ६८ जनाको मृत्यु भएको छ । योसँगै विश्वभर कोरोनाले मृत्यु हुनेको संख्या ४३ लाख ५७ हजार ३४० पुगेको छ ।

कोरोना भाइरसको खोप तीव्र पारेपछि अमेरिकामा कोरोना भाइरसको संक्रमण नियन्त्रणउन्मुख देखिएकोमा फेरि बढ्न थालेको छ ।

खोप भएपनि लगाउन नमान्ने तथा मास्क लगाउन छाड्नेहरुका कारण त्यहाँ नयाँ भेरियन्टसहितको संक्रमण फैलिन थालेको विज्ञहरुले जनाएका छन् ।

त्यहाँ पछिल्लो २४ घण्टामा एक लाख ५५ हजार २९७ जनामा संक्रमण पुष्टि भएको छ । योसँगै अमेरिकामा कोरोना संक्रमितको संख्या ३ करोड ७३ लाख ६४ हजार ७०० पुगेको छ ।

विश्वमा सबैभन्दा बढी संयुक्त राज्य अमेरिका प्रभावित भएको छ । हालसम्म अमेरिकामा ६ लाख ३७ हजार १६१ जनाको मृत्यु भएको छ ।

यसैगरी ब्राजिलमा ५ लाख ६७ हजार ९१४ जना, भारतमा ४ लाख ३० हजार ७६२ जना, रूसमा १ लाख ६८ हजार ८६४ जना, बेलायतमा १ लाख ३० हजार ८०१ जना, फ्रान्समा १ लाख १२ हजार ५६१ जना, इटालीमा १ लाख २८ हजार ३७९ जनाको मृत्यु भएको छ ।

Related Articles

Leave a Reply

Your email address will not be published. Required fields are marked *

Back to top button