एमाले एकताको अन्तिम कसरत: होला त सफल ?
काठमाडौं – नेकपा एमालेमा एकताको अन्तिम कसरत चलिरहेको छ । एकताको लाथि थप पहल गर्न भन्दै स्थगित भएको स्थायी समिति बैठक आज बस्दैछ ।
एकताको लागि थप पहल गर्न भन्दै पार्टी अध्यक्ष केपी ओलीले बोलाएको नेकपा एमालेको स्थायी कमिटी बैठक हिजो स्थगित भएको थियो । बैठक आज दिउँसो ३ बजे बस्ने नेता सुवास नेम्वाङले जाकारी दिएका छन् ।
पार्टी एकताका बारेमा भइरहेका प्रयासका बारेमा बैठकलाई जानकारी गराएपछि आइतबार दिउँसो ३ बजेसम्मका लागि स्थगित भएको थियो ।
बैठकपछि नेता नेम्वाङले अरु कुनै पनि एजेण्डामाथि छलफल नभएको जानकारी दिएका थिए । उनले पार्टी एकता जोगाउनका लागि विघटित कार्य दलमा रहेका स्थायी कमिटी सदस्यहरुका बीचमा छलफल भएको र पार्टी एकता जोगाउन निरन्तर छलफल गरिरहेको बताए ।
पार्टीलाई एकताबद्ध गर्न निरन्तर छलफल गरिरहेको भन्दै उनले भने, ‘भीम रावल लगायतका नेताहरु माधवकुमार नेपालसँग कुरा गर्नका लागि त्यता लाग्नुभएको छ । अहिले पनि नथाकिकन पार्टीलाई एकताबद्ध बनाउन लागिरहेका छौँ ।’
