कपालमा चाया पर्ने समस्या किन हुन्छ ?
कपालमा आउने चायाले छालाको माथिल्लो तह विस्तारै उक्किँदै जाने हुन्छ। यो फंगस इन्फेक्सन भयो भने ढुसी आउने पनि हुन्छ।
चाया रोक्न विभिन्न उपाय अपनाउन सकिन्छ। नुहाउँदा नियमित रुपमा एउटै स्याम्पुको प्रयोग गर्नु राम्रो हुन्छ। चाया देखिहाले एन्टी डेन्ट्रफ लेखेको स्याम्पुको प्रयोग गर्नुपर्छ।
चाया परेको व्यक्तिले प्रयोग गर्ने काइयो, तौली, हेल्मेट अरूले प्रयोग गर्नु हुँदैन। यसो गरेमा चाया एकबाट अर्कोमा सर्दै जान्छ।
कपडा धुँदा पनि आफ्नो सिरानीको खोल, टोपी छुट्टै राखेर सफा गर्नु निकै राम्रो हुन्छ। हेल्मेट समय सयमा धोइराख्ने गर्दा धेरै फाइदा हुन्छ।
जैतनको तेल, नरिवलको तेल, तोरीको तेल कपालमा लगाउनुपर्छ। कपालमा नियमित रुपले नविरलको शुद्ध तेल लगाउँदा पनि चाया हट्छ।
धेरै नै चाया आयो भने विषेशज्ञ डाक्टरको औषधि अनिवार्य रुपमा लिनुपर्छ। पहाड तिर रिट्ठा भन्ने पाउँछ, त्यो लगाउँदा पनि हुन्छ। एलोभेरा मिसिएको स्याम्पु लगाउँदा पनि हुन्छ।
चायाबाट छुटकार पाउन हप्तामा एकपटक तेल लगाएर कपालको मालिश गर्दा अत्याधिक लाभ मिल्नुका साथै चाया पर्ने समस्या कम हुँदै जान्छ।
