२२ वर्ष कान्छी प्रेमिकासँग ब्रेकअप गरेर लगनगाँठो कस्दै अरबाज

बलिउड अभिनेता अरबाज खान ५६ वर्षको उमेरमा दोस्रो पटक विवाह बन्धनमा बाँधिन लागेका छन् । उनले प्रेमिका शौरा खानसँग २४ डिसेम्बरमा लगनगाँठो कस्न लागेका हुन् ।

अरबाजको परिवार विवाहको तयारीमा जुटिसेको छ । यस विवाह समारोहमा परिवार र नजिकका साथीहरुलाई मात्र उपस्थित गराउने खान परिवारको तयारी छ । २१ वर्षीय छोराका बुबा अरबाजको विवाह मुम्बइमै हुने बताइएको छ ।

को हुन् अरबाजको दुलही ?

शौरा व्यवासायिक मेकअप आर्टिस्ट हुन् । उनले धेरै फिल्म र टेलिभिन शोमा मेकअप आर्टिस्टको रुपमा काम गरिसेकेकी छिन् । उनले नायिका रबिना टण्डनलगायतका कलाकारसँग पनि काम गरेकी छन् ।

अरबाज र शौराको भेट पनि कामकै दौरान फिल्म सेटमा भएको हो । अरबाजले निर्माण गर्न लागेको फिल्म ‘पटना शुक्ला’मा यी दुईको पहिलो भेट भएको भारतीय मिडियाहरुले उल्लेख गरेका छन् । भेटको सुरुवातदेखि नै उनीहरु प्रेम सम्बन्धमा बसेका बुझिएको छ । शौराले आधिकारिक इन्स्टाग्राम खाता भने प्राइभेट गरेकी छन् ।

अरबाज यसअघि अभिनेत्री तथा डान्सर मलाइका अरोरासँग विवाह बन्धनमा थिए । प्रेम सम्बन्धलाई सन् १९९८ मा विवाहमा परिवर्तन गरेको यो जोडी एक बच्चा पनि भयो । सन् २००२ मा उनीहरुले अर्हान खानलाई जन्म दिएका थिए । १८ वर्षपछि यो जोडीले वैवाहिक सम्बन्ध तोड्ने निर्णय गरेका थिए ।

सन् २०१६ मा डिभोर्सपछि अर्हान बुबासँगै बस्दै आएका छन् । यद्यपि मलाइका पनि छोरासँग भेट गरिरहेकी हुन्छिन् । मलाइका नायक अर्जुन कपुरसँग प्रेम सम्बन्धमा मस्त छन् । उनीहरु सामाजिक सन्जालमा प्रेमिल तस्बिरहरु सार्वजनिक गरिरहेका हुन्छन् ।

मलाइकासँगको डिभोर्सपछि अरबाज मोडल तथा अभिनेत्री जर्जिया एन्ड्रियानीसँग प्रेम सम्बन्धमा थिए । उनीहरु सार्वजनिकस्थानमा पनि प्रायः सँगै देखिन्थे ।

अरबाजको यो सम्बन्ध सफल हुन सकेन । २२ वर्ष कान्छी प्रेमिका जर्जियासँग सम्बन्ध टुटेको हल्लाकै बीच शौरासँग विवाहको कुरा बाहिरिएको हो ।