टप इन्ड टी२० : ललितको स्थानमा साहबले खेल्ने
अस्ट्रेलियामा हुने टप एन्ड टी–२० सिरिजमा नेपाली राष्ट्रिय क्रिकेट टोलीमा परिवर्तन भएको छ। बलर ललित राजवंशीकी आमाको निधन भएपछि उनको स्थानमा साहब आलम टोलीमा समावेश भएका छन्।
नेपाल क्रिकेट संघ ९क्यान०का सचिव पारस खड्काका अनुसार ललितको आइतबार मोरङस्थित घरमा आमाको निधन भएपछि तत्कालीन निर्णयअनुसार साहबलाई टोलीमा बोलाइएको हो।
नेपाली टोली अगस्ट १४ देखि २४ सम्म अस्ट्रेलियाको डार्विनमा हुने सिरिजका लागि जाँदैछ। यो सिरिज नेपालका लागि अक्टोबरमा ओमानमा हुने आइसिसी पुरुष टी–२० विश्वकपको एसिया तथा पूर्वी एसिया–प्रशान्त संयुक्त छनोट प्रतियोगिताको तयारीको हिस्सा हो।
डार्विनमा नेपालले पहिलो खेल अगस्ट १५ मा नर्दर्न टेरिटोरी स्ट्राइकरसँग खेल्नेछ। त्यसपछि १६ मा बंगलादेश ‘ए’, १८ मा मेलबर्न स्टार्स, १९ मा होबर्ट हुरिकेन्स, २० मा मेलबर्न र २२ मा पाकिस्तान साहिन्सासँग भिड्ने तालिका रहेको छ।
अस्ट्रेलियाको सिरिजपछि नेपाली टोली सेप्टेम्बरमा युएईमा वेस्ट इन्डिजसँग तीन खेलको टी–२० सिरिज खेल्नेछ र त्यसपछि ओमानमा हुने विश्वकप छनोटका लागि प्रस्थान गर्नेछ।
१६ सदस्यीय टोलीमा कप्तान रोहित पौडेल, उप–कप्तान दीपेन्द्रसिंह ऐरीसहित सन्दीप लामिछाने, कुशल भुर्तेल, आसिफ सेख, कुशल मल्ल, गुलशन झा, आरिफ सेख, भीम सार्की, रुपेस कुमार सिंह, सोमपाल कामी, नन्दन कुमार यादव, करण केसी, रिजन ढकाल, लोकेस बम र साहब आलम रहेका छन्।
