विपक्षीको पोस्टमा ५ गोलसँगै आर्सनल तालिकाको दोस्रो स्थानमा
खेलका सबै गोल पहिलो हाफमा भएका थिए। १० औँ मिनेटमा बुकायाका साकाको कर्नरलाई उपयोग गर्दै अन्तिम रक्षक गाब्रयिलले आर्सनललाई अग्रता दिलाएको खेलमा २७ औँ मिनेटमा साकाकै सहयोगमा लेन्ड्रो टोसार्डले अर्को गोल गरे।
त्यसको केही समयमा लगातार गोलको क्रम सुरु भएको थियो। ३४ औँ मिनेटमा साकालाई लडाइएपछि पाएको पेनाल्टीलाई मार्टिन ओडेगार्डले गोलमा परिणत गरे। ३६ औँ मिनेटमा आर्सनलका काई हभार्टजले अर्को गोल थपे। त्यसको लगत्तै वेस्टहामका लागि आरोन भान बिसाकाले गोल गरेका हुन्। यो उनको लगातार दोस्रो गोल हो। वेस्ट हामकै रक्षक एमरसनले फ्रिककलाई गोलमा परिणत गर्दै अन्तर घटाएका थिए । पहिलो हाफको अन्त्यमा पाएको पेनाल्टीलाई साकाले गोलमा परिणत गरेका थिए।
शनिबार भएको प्रियिमर सिपको अर्को खेलमा बे्रेन्टफोर्डले लिसेस्टर सिटीलाई ४–१ ले हरायो। नटिङघम फरेस्टले इप्सविच टाउनलाई १–० ले हराउँदा भने बोर्नमाउथलाई उल्भ्समाथिको खेलमा ४–२ को जित हात पारेको छ। क्रिस्टल प्यालेस र न्यु क्यशाल युनाइटेड बिचको खेलमा १–१ गोलको बराबरीमा सकियो।
तालिकामा १२ खेलमा ३१ अङ्कसहित लिभरपुल शीर्ष स्थानमा छ भने १३ खेलमा २५ अङ्कसहित आर्सनल दोस्रो स्थानमा छ। १३ खेलमा २३ अङ्क रहेको ब्रिङटन तेस्रो तथा १२ खेलमा समान अङ्क रहेको म्यानचेस्टर सिटी चौथो स्थानमा छन्। चेल्सी १२ खेलमा २२ अङ्कसहित पाँचौँ तथा १३ खेलमा २२ अङ्क सहित नटिङघम छैटौँ स्थानमा छन्। ब्रेन्ट फोर्ड २० अङ्कसहित सातौँ स्थानमा छ। लिसेस्टर १० अङ्क सहित १६ औँ, इप्सविच ९ अङ्कसहित १९ औँ, बोर्न माउथ १८ अङ्कसहित ११ औँ, उल्भ्स ९ अङ्कसहित नवौँ, वेस्टहाम १५ अङ्कसहित १४ औँ, न्यु क्यशाल १९ अङ्कसहित १० औँ तथा क्रिस्टल प्यालेस ९ अङ्क सहित १७ औँ स्थानमा छन्।
