रूसी नागरिकले १० हजार डलर बढि लिएर देश छोड्न नपाउने

रूसी नागरिकले १० हजार डलर भन्दा बढि विदेशी मुद्रा नगद लिएर देश छोड्न नपाउने भएका छन् । राष्ट्रपति पुटिनले ७ हजार ५०० यूरो बराबर नगद हातमा लिएर कुनै पनि नागरिकले सिमा पार गर्न नपाउने निर्देशन दिएका हुन् ।

पुटिनको यो निर्देशन बुधबारबाट लागु भएको छ । पश्चिमी राष्ट्रहरुले लगाएको प्रतिबन्धका कारण रूसको अर्थतन्त्र कमजोर भएको छ । जसकारण रुबलको मूल्यमा गिरावट आएको छ ।

रूसको सबैभन्दा ठुलो बैंक, स्बेर बैंकले यूरोपियन बजार त्याग्ने घोषणा गरेको छ । रूसको सर्वाधिक ऋणदाता रहेको स्बेर बैंकका सहायक बैंकहरुले ठुलो संख्यामा नगद बाहिरिँदा समस्या भोगिरहेको अवस्थामा यस्तो निर्णय गरेको हो ।

मंगलबार यूरोपियन केन्द्रिय बैंकद्वारा स्बेरबैंकको यूरोपियन शाखालाई बन्द गर्न आदेश दिइएको थियो।