विराटनगर किङ्सको ऐतिहासिक जित: लुम्बिनी लायन्सको १९२ रनको लक्ष्य पार गर्दै विजय
नेपाल प्रिमियर लिग (एनपीएल) क्रिकेटमा विराटनगर किङ्सले ऐतिहासिक प्रदर्शन गर्दै लुम्बिनी लायन्सविरुद्ध १९२ रनको विशाल लक्ष्य पूरा गरेको छ। यसअघि लगातार दुई खेलमा पराजित भएको विराटनगरले यो जितसँगै लगातार तेस्रो हारबाट बच्दै प्रतियोगितामा पुनः आशा पलाएको छ।
कीर्तिपुरस्थित त्रिवि क्रिकेट मैदानमा लुम्बिनी लायन्सले प्रस्तुत गरेको १९२ रनको चुनौतीलाई विराटनगरले १९.५ ओभरमा ६ विकेटको क्षतिमा पूरा गर्यो। कप्तान सन्दीप लामिछानेको नेतृत्वमा विराटनगरले अन्ततः जित निकाल्दै उत्कृष्ट पुनरागमन गर्यो।
लोकश बमको विस्फोटक अर्धशतक
विराटनगरका ओपनर लोकश बमले जितको जग बसाउँदै ४७ बलमा ७१ रनको उत्कृष्ट इनिङ्स खेले। उनले ३ चौका र ६ छक्का प्रहार गर्दै टिमलाई बलियो स्थितिमा पुर्याए। उनलाई १७.४ ओभरमा रामोन सिमन्ड्सको बलमा सन्दीप जोराले क्याच आउट गरे।
बसिर अहदमको तूफानी पारी
बसिर अहदमले २४ बलमा ४० रन जोड्दै जितको नायक बने। दुर्गेश गुप्ताको बलमा बेन कटिङले क्याच गरेपछि उनी आउट भए। मार्टिन गप्टिलले पनि १७ बलमा २८ रनको योगदान गरे।
बलिङमा दुर्गेश गुप्ताको चमक
बलिङतर्फ विराटनगरका दुर्गेश गुप्ताले लुम्बिनी लायन्सका ३ विकेट लिए। साद बिन जफर र रामोन सिमन्ड्सले समान २-२ विकेट लिए भने विवेक यादवले १ विकेट हात पारे।
यस जितले विराटनगर किङ्सलाई प्रतियोगितामा थप उर्जा दिएको छ भने लुम्बिनी लायन्सलाई दबाबमा पारेको छ।
