खेल संसारमुख्य खबर

विश्वकपमा बंगलादेशको विजयी सुरुवात, श्रीलंकाको दोस्रो हार

Patanjali Nepal
Sweet Mart Food

टस जितेर बंगलादेशले फिल्ड रोजेपछि सुरुमा ब्याटिङ गरेको श्रीलंकाले पूरै २० ओभर खेल्दै ९ विकेटको क्षतिमा १२४ रन बनाएको थियो।

सुरुमा ब्याटिङ गरेको श्रीलंकाका लागि पथुम निसानकाले सर्वाधिक ४७ रन बनाएका थिए। २८ बल खेलेका उनले ७ चौका र एक छक्का प्रहार गरे। धनन्जय डी सिल्भाले २१ रन जोड्दा चरित असालान्काले १९ रन बनाए। एन्जेलो म्याथ्यूज १६ रनमा आउट हुँदा कुसल मेन्डिसले १० रन जोडे। श्रीलंकाका अन्य ब्याट्सम्मानले दोहोरो अंक जोड्न सकेनन्।

बंगलादेशका लागि रिशाद हुसेन र मुस्ताफिजुर रहमानले समान तीनतीन विकेट लिँदा तस्किन अहमद दुई र तन्जिम हसन साकिबले एक विकेट हात पारे।

१२५ रनको लक्ष्य पछ्याएको बंगलादेशका लागि तौहिद हृदयले सर्वाधिक ४० रन बनाए। २० बलको सामना गरेका उनले २० बलमा चार छक्का र १ चौका प्रहार गरे। लिटन दासले ३८ बलको सामना गर्दै ३६ रन बनाए। बंगलादेशको जितका लागि महमुदुल्लाहले १३ बलको सामना गर्दै १६ रन बनाए। अन्तिम समयमा महमुदुल्लाहले टिकेर खेल्दा बंगलादेशले श्रीलंकामाथि सनसनीपूर्ण दुई विकेटको जित निकालेको हो। उसका लागि अन्य ब्याट्सम्यानले भने दोहोरो अंक जोड्न सकेनन्।

श्रीलंकाका लागि नुवान तुषाराले चार विकेट हात पारे। चार ओभर बलिङ गर्दै उनले चार विकेटका लागि १८ रन खर्चिए। वानिन्दु हसरंगाले दुई विकेट लिए भने धनन्जय डी सिल्भा र मथीशा पाथिरानाले एकएक विकेट लिए।

 

समूह ‘डी’को बंगलादेश विश्वकपमा पहिलो जित निकालेको हो। पहिलो खेलमा दक्षिण अफ्रिकासँग ७ विकेटले पराजित भएको श्रीलंकाले लगातार दोस्रो हार खाएको छ।

यो समूहमा बंगलादेश, श्रीलंका, दक्षिण अफ्रिका, नेपाल र नेदरल्याड्स छन्।

दक्षिण अफ्रिका, नेदरल्यान्ड्स र बंगलादेशले समान दुई दुई अंक जोडेका छन्। नेटरनरेटका आधारमा दक्षिण अफ्रिका शीर्ष स्थानमा छ भने नेदरल्यान्ड्स दोस्रो र बंगलादेश तेस्रो स्थानमा छन्। यो समूहमा नेपाल र श्रीलंकाले खाता खोल्न सकेका छैनन्।

Related Articles

Leave a Reply

Your email address will not be published. Required fields are marked *

Back to top button