No Image Headlineदेश
चुनावी गठबन्धनबाट कसलाई कति फाईदा ?
प्रत्यक्षमा १६५ मध्ये १४० बढी निर्वाचन क्षेत्रको परिणाम आइसक्दा कांग्रेसले अग्रता लिएको छ भने गठबन्धनका अन्य दलहरू माओवादी तेस्रो र एकीकृत समाजवादी चौथो स्थानमा छन्।
अघिल्लो निर्वाचनको तुलनामा कांग्रेसले सिट बढाए पनि माओवादी र एकीकृत समाजवादी दुवैले अघिल्लो संसद्मा उनीहरूको सङ्ख्याको तुलनामा सिट गुमाउने देखिएको छ।
सत्ताधारी गठबन्धनसँग तालमेल गरेको लोकतान्त्रिक समाजवादी दलले पनि यसअघिको संसद्मा भन्दा केही सिट गुमाउने देखिएको छ। राष्ट्रिय जनमोर्चाले भने यो पटक पनि एक स्थानमा जित हासिल गरिसकेको छ।
समानुपातिकतर्फको मतगणना जारी रहेकाले कति वटा दलले समानुपातिक तर्फ मत पाउँछन् निश्चित भइसकेको छैन। यो प्रणालीबाट दलहरूले पाएको मतका आधारमा ११० जना निर्वाचित हुन्छन् तर कुल सदर मतको तीन प्रतिशत कम मत पाउने दलहरूले पाएको मत गणना हुँदैन।