कला/साहित्य

अभिनयमा रमाउँदै अदिति

Thrill Factory
Rungta Group

मोडलिङ क्षेत्रमा परिचित नाम अदिति बुढाथोकी अभिनयमा सक्रियता बढाउँदै छि। ‘कृ’ मार्फत अभिनयमा डेब्यु गरेकी अदिति अभिनीत दोस्रो फिल्म ‘बाबरी’ प्रदर्शनरत छ ।

भारतीय म्युजिक भिडियोमा अभिनय गरिसकेकी अदितिले धेरै नेपाली फिल्मको अफर स्वीकार गरिनन्। ‘म हतारमा फिल्म गर्ने सोचमा थिइनँ । कोरोना महामारीका कारण पनि ‘प्रोजेक्ट’ ढिला भएको हो । सुहाउँदो भूमिका आएमा काम गर्नेछु’, उनले भनिन् । 

उनी नेपालबाटै मोडलिङको सुरुआत गरेर उनी भारतस्थित मुम्बईमा काम गरिरहेकी छिन् । नेपालमा एक विज्ञापनमा काम गरेपछि अदितिलाई मुम्बईबाट ‘मायालु नुडल्स’ मा मोडलिङ गर्ने प्रस्ताव आएको थियो ।

त्यसयता उनी मुम्बईमै मोडलिङ गरिरहेकी । ‘मैले मुम्बई वा नेपाल भनेर काम गरिरहेकी छैन । जहाँ मलाई प्रस्ताव गरिन्छ, बुझेर काम गर्ने गरेकी छु’, उनले भनिन् । 

यहाँको ‘वर्किङ कल्चर’ले उनलाई समस्या पार्ने रहेछ । उनले भनिन् , ‘हामीकहाँ अझै व्यावसायिकता कम छ । काम पूरा नगर्न बहाना बनाउन पाइन्छ । त्यसले ‘सेड्युल’ लाई असर गर्छ’, अभिनेत्री बुढाथोकीले भनिन्।

काममा पूर्णरूपमा समर्पित भएर नलागेसम्म त्यसले गतिलो नतिजा नदिने उहाँको बुझाइ छ । उनले डेब्यु फिल्ममा छायाङ्कनका लागि पटकपटक नेपाल आउँदा काम नभएपछि फर्कनुपरेको थियो । 

यही कारण पनि दोस्रो फिल्म उनले होम प्रोडक्सनकै गरे । ‘म बाहिरी प्रोडक्सनमा पनि काम गर्न तयार छु । दुई फिल्मले मलाई वर्किङ कल्चर बुझाइरहेको छ’, अभिनेत्री बुढाथोकीले भनिन् । 

Related Articles

Leave a Reply

Your email address will not be published. Required fields are marked *

Back to top button