खबर फटाफट
मेयर राजेशमानको पहलमा वीरगञ्जमा रक्तदान
वीरगञ्ज महानगरमा नवनिर्वाचित मेयर राजेशमान सिंहको पहलमा बिहीबार वीरगञ्जमा रक्तदान कार्यक्रम सम्पन्न भएको छ ।
वीरगञ्जमा रगतको अभाव हुन नदिने उद्देश्यले साहिब दरबार सेवा सस्थान र जनता समाजवादी पार्टी नेपाल वीरगञ्ज महानगर समितिको आयोजनामा रक्तदान भएको हो ।
सो रक्तदानमा १२६ जनाले रक्तदान गरेका थिए । कार्यक्रमको अध्यक्षता सेवा सस्थानका महासचिव उमेशलाल सहनी र जसपा वीरगञ्जका अध्यक्ष ईश्वरचन्द यादवले गरेका थिए ।
कार्यक्रममा पर्सा क्षेत्र नं, १ का सांसद प्रदीप यादव, मेयर सिंह , प्रदेशसभा सदस्य करिमा बेगम, जसपाका जिल्ला अध्यक्ष रामनरेश यादव, सचिव तबरेज अहमदलगायतको सहभागिता थियो ।
