वीरगञ्ज महानगरपालिकाको मतगणनाको पछिल्लो विवरण अनुसार जसपाका राजेशमान सिंहले मतान्तर फराकिलो पार्दै लगेका छन् ।
राजेशमान सत्ता गठबन्धनबाट मेयरको उम्मेदवार हुन् ।
वीरगञ्जको वडा नं. १, २, ३१ र ३२ को मतगणना जारी छ । बाहिरिएको पछिल्लो जानकारी अनुसार सिंहले सिंहले २८ सय ३२ मत ल्याएका छन् । नेकपा एमालेका विजयकुमार सरावगीले अहिलेसम्म १२ सय ८६ मत छ ।
पत्रकारको प्रदर्शन
यसैबीच मतगणनाको सूचना नपाएपछि वीरगञ्जमा पत्रकारले मतगणनास्थलमै प्रदर्शन गरेका छन् । पत्रकारले समाचार संकलनका सामग्री मतगणनास्थल परिसरमा राखेर विरोध जनाएका हुन् ।
प्रत्येक २÷२ घण्टामा मतगणनाको परिणाम पत्रकारलाई उपलब्ध गराउने सहमतिपछि पत्रकारको प्रदर्शन स्थगित भएको छ । पर्साका प्रमुख जिल्ला अधिकारी उमेश ढकालको समन्वयमा सो सहमति भएको थियो ।
