कचौरी खान रेल रोक्ने पाइलट निलम्बित (भिडियोसहित)
तपाईहरुले बस, माइक्रो लगायतमा यात्रा गर्दा चालकले रोकेर खाजा, चुरोट, गुट्खा वा पानी किनेको देख्नु भएको होला। तर रेलमा यात्रा गर्नेहरुले पक्कै पनि रेलका चालकले खाजा किन्न रेल रोकेको देख्नु भएको छैन होला ।
भारतमा भने एक रेलका चालकले रेल रोकेर बाटोमा खाजा किनेको भिडियो सामाजिक सञ्जालमा भाइरल बनेको छ ।
भारतको राजस्थानस्थित अलवरमा एक रेलका पाइलटले कचौरी, खस्ता (भारतीय खाजाका परिकारको नाम) किन्न स्थानीय बजारमा रेल रोके ।
उनले स्थानीय बजारबाट कचौरी लिन रेल रोक्नु अघि नै एक व्यक्तिले उनको भिडियो खिच्ने तयारी थालेका थिए । उनी नियमित बजारमा रेल रोकेर एक पसलेसँग कचौरी किन्दै आएकाले ती व्यक्तिले उनको भिडियो खिचेका थिए । खाजा लिए पछि ती चालकले रेल अघि बढाएका थिए ।
भिडियो सामाजिक सञ्जालमा भाइरल बनेपछि स्थानीय रेल प्रबन्धकको निगरानीमा घटनाको अनुसन्धान थालिएको छ । घटनामा संलग्न २ रेल पाइलट, दुइ गेटम्यान र एक प्रशिक्षक गरी पाँच जना निलम्बनमा परेका छन् ।
अलवरको दाउदपुर क्रसिंगमा यस्तो लापरवाही भएको पहिलो पटक भने होइन । हरेक दिन बिहान ८ बजे क्रसिंगलाई रोकेर रेलका पाइलटलाई खाजा पुराइन्थ्यो ।
यस क्रममा कैयौँ यात्री रेलका पाइलटको कचौरी प्रेमका कारण सास्ती बेहोर्दै आएका थिए । पाकिस्तानमा पनि यस अघि एक रेल पाइलटले दही किन्न रेल रोकेका कारण कारबाहीमा परेका थिए ।
@AshwiniVaishnaw @RailMinIndia @GMNWRailway @DRMJaipur @drm_dli
यह वीडियो एकwhatsappग्रुप के माध्यम से आज ओर अभी देखने को मिला हैक्या यह रेलवे नियमानुसार सही है अगर गलत है तो एक्शन लीजिए और सम्बंधित सभी व्यक्तियों पर कार्यवाही करें@vishalmrcool @JAGMALSINGH_MON @vasudhoot pic.twitter.com/Tw5dtkozzn
— NARENDRA KUMAR JAIN (@Narendrapcw) February 18, 2022
