No Image Headlineअन्तराष्ट्रिय

पाकिस्तानमा बम विष्फोट हुँदा ३० जना मारिए

उत्तरपश्चिम पाकिस्तानको पेशावर शहरमा गराइएको बम आक्रमणमा कम्तीमा ३० जनाको मृत्यु भएको छ । पेशावर शहरस्थित शिया मुसलमानहरुको मस्जिदलाई लक्षित गरी आक्रमण गराइएको हो ।

Patanjali Nepal
Sweet Mart Food

कुचा रिसाल्दार मस्जिदमा शुक्रबारको नमाज पढ्न भेला भएकाहरुलाई लक्षित गरी भएको बम आक्रमणमा अरु दर्जनौं घाइते भएको अल जजीराले जनाएको छ ।

मस्जिदमा बम विष्फोट हुनुअघि दुई बन्दुकधारीले मस्जिदबाहिर पहरा दिइरहेका सुरक्षाकर्मीमाथि अन्दाधुन्ध गोली चलाएको स्थानीय अधिकारीले जनाएका छन । दोहोरो गोली हानाहानमा एक बन्दुकधारी र एक प्रहरीको मृत्यु भएको जनाइएको छ ।

आक्रमणको समय मस्जिदमा १५० जनाजति श्रद्धालू उपस्थित रहेको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।

आक्रमणको हालसम्म कुनै समूहले पनि जिम्मा लिइसकेको छैन । यद्यपि पाकिस्तानमा सक्रिय तहरिक ए तालिबान पाकिस्तान र इस्लामिक स्टेट लगायतका आतंकवादी समूहहरुले पाकिस्तानमा यस्ता साम्प्रदायिक आक्रमण गराउँदै आएका छन् ।

सम्बन्धित समाचार :

Leave a Reply

Your email address will not be published. Required fields are marked *

Back to top button