नेपालमा विगत २४ घण्टामा थप १ हजार ३६९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले बिहीवार दिएको जानकारी अनुसार ८ हजार ८८० पीसीआर परीक्षणमा १ हजार १३ जना र ३ हजार एन्टिजेन परीक्षणमा ३५६ जना गरी कुल १ हजार ३६९ जनामा भाइरसको संक्रमण देखिएको हो ।
त्यस्तै, सोही अवधिमा देशभर १२ जना कोरोना संक्रमितको मृत्यु भएको छ । मन्त्रालयका अनुसार बिहीवार २४ घण्टाको अवधिमा कोरोना संक्रमणबाट १२ जनाले ज्यान गुमाएका छन् ।
यससँगै नेपालमा कोरोना संक्रमणका कारण मृत्यु हुनेको संख्या ११ हजार ८६४ पुगेको छ । हाल देशभर सक्रिय संक्रमितको संख्या २९ हजार ४ पुगेको छ ।
यसैगरी, बिहीवार २ हजार २३८ जना निको भएसँगै हालसम्म ९ लाख ३० हजार ६०७ जना कोरोना संक्रमणबाट मुक्त भएका छन् ।
