अर्थ
श्री गणेश सहकारीको साधारणसभा सम्पन्न, १०.८७ प्रतिशत लाभांश पारीत
वीरगञ्ज स्थित श्री गणेश बचत तथा ऋण सहकारी संस्थाको १३ औं वार्षिक साधारणसभा शुक्रबार सम्पन्न भएको छ ।
साधारणसभाले आर्थिक वर्ष २०७७/७८ को नाफाबाट १० दशमलव ८७ प्रतिशत बोनस शेयर वितरण गर्ने प्रस्ताव पारीत गरेको सहकारीका अध्यक्ष अशोकुमार टेमानीले जानकारी दिए ।
सहकारीले गत आर्थिक वर्षमा ५५ लाख ३८ हजार ६९९ रुपैयाँ खुद नाफा आर्जन गरेको थियो । नाफाबाट २५ प्रतिशत रकम जगेडा कोषका लागि छुट्याएको छ ।
बाँकी ४१ लाख ५४ हजार रुपैयाँबाट २५ प्रतिशत संरक्षित पूँजी फिर्ता कोष र शून्य दशमलव ५ प्रतिशत सहकारी प्रवर्द्धन कोषमा छुट्याएको टेमानीले साधारणसभामा जानकारी दिए । सबै प्रस्तावहरू साधारणसभाबाट पारीत भएको पनि उनले बताए ।
गत आर्थिक वर्ष सम्ममा शेयर सदस्यबाट १८ करोड ८१ लाख रुपैयाँ निक्षेप संकलन गरेको सो सहकारीले १३ करोड ६४ लाख रुपैयाँ कर्जा लगानी गरेको छ ।
