अन्तराष्ट्रिय

युद्धकाे त्रास नफैलाउन पश्चिमा देशहरूलाई युक्रेनी राष्ट्रपतिको अपिल

युक्रेनका राष्ट्रपति भोलोदिमिर जेलेन्स्कीले युक्रेनी सीमामा रुसी सेनाको उपस्थितिलाई लिएर युद्धको त्रास नफैलाउन पश्चिमी देशहरूलाई अपिल गरेका छन् ।

Patanjali Nepal
Sweet Mart Food

जुनसुकै बेलामा पनि आक्रमण हुन सक्छजस्ता चेतावनीले युक्रेनको अर्थतन्त्रलाई नराम्ररी असर गरिरहेको उनको भनाइ छ । यसअघि बिहीबार अमेरिकी राष्ट्रपति जो बाइडेनले रुसले अर्को महिना युक्रेनमा आक्रमण गर्न सक्ने चेतावनी दिएका थिए ।

अर्कोतर्फ रुसले पनि निरन्तर यही कुरा गरिरहेको छ । रुसले युक्रेनमा आक्रमण गर्ने आफ्नो कुनै योजना नभएको बारम्बार बताउँदै आएको छ ।

शुक्रबार रुसका विदेशमन्त्रीले मस्कोले युद्ध नचाहेको बताए । हाल युक्रेन र रुसको सीमामा करिब एक लाख सैनिक तैनाथ छन् ।

जसले गर्दा अमेरिका र पश्चिमी देशले लगातार युद्धको चेतावनी दिइरहेका छन् । उही समयमा, युक्रेनका राष्ट्रपतिले आफ्नो भर्खरैको वक्तव्यमा सेनाको यो तैनाथीलाई पछिल्लो पटकभन्दा ठूलो खतराको रूपमा नदेखेको बताएका छन् ।

सम्बोधनमा उनले देशभित्रको यस्तो त्रास र अस्थिरताको अवस्था देशका लागि सबैभन्दा ठूलो खतरा भएको बताए ।

रुसी राष्ट्रपति भ्लादिमिर पुटिनले पश्चिमी देशहरूलाई युक्रेनलाई कहिल्यै पनि नाटोको सदस्य बन्न नदिन र नेटो गठबन्धनले पूर्वी युरोपमा आफ्ना सबै सैन्य गतिविधि त्याग्न आग्रह गरेका छन्।

सम्बन्धित समाचार :

Leave a Reply

Your email address will not be published. Required fields are marked *

Back to top button