कला/साहित्य

पेन्सनमा बाँचिरहेका ‘महाभारत’का ‘भीम’

Patanjali Nepal
Sweet Mart Food

तीस वर्ष अघि दुरदर्शनमा प्रसारण भएको धार्मिक टेलिफिल्म ‘महाभारत’ निकै लोकप्रिय बन्यो । ‘महाभारत’ हेर्नकै लागि घर, चौर, गल्लीमा भीड नै लाग्थ्यो । गत वर्षको लकडाउनमा पनि यो शोलाई दर्शकले निकै मनपराए । ‘महाभारत’ लोकप्रिय हुने प्रमुख कारण यसका कलाकार हुन् ।

‘महाभारत’मा नछुट्ने चरित्र हुन्, गदाधारी भीम । यो भूमिका प्रवीणकुमार सोबतीले निभाएका थिए । उनले आफ्नो दमदार भूमिकाले न केवल अभिनयको दुनियाँमा आफूलाई स्थापित गराए, खेलको मैदानमा पनि उत्तिकै सफल भए । अहिले यी अभिनेताको स्वास्थ्य अवस्था ठीक छैन । उनको अहिलेको जीवनसहारा केवल पेन्सन मात्र हो ।

पञ्जाबमा सरकार बनाएका सबै पार्टी प्रति उनको गुनासो छ । जति खेलाडीले एसियन गेम खेल्छन् वा मेडल जित्छन्, उनीहरुलाई पेन्सनको व्यवस्था भए पनि आफूलाई भने त्यो सुविधा नदिइएको उनको गुनासो छ । प्रवीण सबैभन्दा बढी गोल्ड मेडल जित्ने खेलाडीमा पर्छन् । कमनवेल्थमा भारतबाट प्रतिनिधित्व गर्ने उनी एक्ला एथलेट हुन् ।

अमृतसरको सरहली गाउँमा बस्ने प्रवीणकुमारको जन्म सन् १९४६ सेप्टेम्बर ६ मा भएको थियो । बाल्यकालदेखि नै दुध, दही र घरको घ्यू खाएका कारण उनको शरीर दरिलो थियो ।

सन् १९८६ मा बीआर चोपडाले ‘महाभारत’ बनाउन लागेको र उनी आफूसँग भेट्न चाहेको बताए पछि प्रविण उनलाई भेट्न गएका थिए । उनलाई भेट्नासाथ प्रविणले ‘भीम भेटियो’ भनेका थिए । ५० बढी फिल्ममा अभिनय गरिसकेका उनले टेलिभिजन सिरिज ‘चाचा चौधरी’मा साबूको भूमिका निर्वाह गरेका थिए ।

प्रविण ७६ वर्षको उमेरमा जीवनयापन गर्नका लागि पैसाको बचत गरिरहेका छन् । स्पाइनल समस्याले उनले कुनै पनि काम गर्न पाएका छैनन् ।

Related Articles

Leave a Reply

Your email address will not be published. Required fields are marked *

Back to top button