१४ औं महाधिवेशनको तयारीमा जुटेको नेपाली कांग्रेसले ७ वटै प्रदेश अधिवेशनका लागि ७ नेतालाई संयोजक बनाएको छ । आइतबार बसेको कांग्रेस केन्द्रीय कार्यसमितिको बैठकले ७ प्रदेशका लागि ७ जना संयोजक तोकेको हो ।
प्रदेश १ को संयोजकमा कृष्णप्रसाद सिटौला, प्रदेश २ को संयोजकमा रमेश रिजाल, बागमतीको संयोजकमा प्रकाशमान सिंह, गण्डकीको संयोजकमा गोपालमान श्रेष्ठ, लुम्बिनीको संयोजकमा बालकृष्ण खाँण, कर्णालीको संयोजकमा जीवनबहादुर शाही र सुदूरपश्चिमको संयोजकमा दिलेन्द्र बडु चयन भएका छन् ।
यस्तै बैठकले केन्द्रीय सदस्य सुरेन्द्र पाण्डेको संयोजकत्वमा भोजन तथा आवास व्यवस्थापन समिति गठन गरेको छ ।
